Тарыфнае рэгуляванне
Тавары, якія ўвозяцца ў краіны ЕС з Беларусі, падлягаюць абкладанню мытнымі пошлінамі.
Даведачна: Да чэрвеня 2007 года многія тавары, якія ўвозяцца з Беларусі ў ЕС, не абкладаліся мытнай пошлінай у сувязі з тым, што Беларусь уваходзіла ў пералік краін-бенефіцыяраў агульнай сістэмы прэферэнцый Еўрасаюза ў якасці краіны ў стане развіцця. У 2007 годзе рашэннем Еўракамісіі Беларусь была выключаная з названай сістэмы па палітычных матывах.
Аднак ужо ў 2012 годзе Рэгламентам ЕС №978/2012 была зацверджана новая сістэма тарыфных прэферэнцый Еўрасаюза. Крытэрыі, па якіх вызначаліся краіны-бенефіцыяры агульнай сістэмы прэферэнцый ЕС, змяніліся. У прыватнасці, дзяржавы, аднесеныя Сусветным банкам да краін з даходамі вышэй за сярэдні ўзровень, зараз у прынцыпе не могуць карыстацца разгляданай ільготай па выплаце мытнай пошліны пры ўвозе тавараў у Еўрасаюз (да іх належаць краіны з валавым нацыянальным даходам на душу насельніцтва ад 4 086 да 12 615 даляраў ЗША).
З прыняццем гэтага рашэння Беларусь, роўна як і Расія і Казахстан, ужо як краіны з даходамі вышэй сярэдняга ўзроўня, канчаткова пазбавіліся магчымасці карыстацца ільготамі адзінай сістэмы тарыфных прэферэнцый ЕС.
Таксама, як і ў Еўразійскім эканамічным саюзе, імпартны тарыф ЕС сістэматызаваны ў адпаведнасці з Камбінаванай наменклатурай (аналаг ТН ЗЭД ЕАЭС).
Васьмізначны код Камбінаванай наменклатуры ЕС будзе супадаць з першымі 8-ю знакамі кода тавару па ТН ЗЭД ЕАЭС (пры ўмове, што ў ЕЗ і ЕАЭС падыходы да класіфікацыі гэтага тавару аднолькавыя).
Імпартны тарыф ЕС утрымлівае дзесяцізначныя коды. У структуры гэтага кода першыя восем лічбаў — код камбінаванай наменклатуры ЕС. Дзве апошнія лічбы выкарыстоўваюцца для вылучэння тавараў, у дачыненні да абкладання пошлінамі якіх існуюць якія-небудзь асаблівасці (напрыклад, пры наяўнасці антыдэмпінгавай меры).
Імпартны тарыф ЕС зацверджаны Рэгламентам Савета ЕС ад 23 ліпеня 1978 г. № 2658/87 (са зменамі і дапаўненнямі). Імпартную пошліну ЕС, якая дзейнічае ў цяперашні час у дачыненні да вашага тавару, можна паглядзець тут.
Больш падрабязная інфармацыя – тут.
Калі ў вас ёсць сумненні ў дачыненні да пошліны, што дзейнічае ў ЕС на ваш тавар, задайце пытанне эканамічнаму саветніку па эл.адрасе be.trade@mfa.gov.by.
