Гандлёва-эканамічныя адносіны

З моманту ўстанаўлення дыпламатычных адносін у 1992 годзе Бельгія ўваходзіць у лік вядучых эканамічных партнёраў Беларусі ў ЕС.

Пачынаючы з 2022 года гандаль таварамі і паслугамі паміж Беларуссю і Бельгіяй, які раней вылічаўся некалькімі сотнямі мільёнаў еўра, дэманструе ўстойлівую тэндэнцыю да зніжэння. З прычыны ўвядзення парушаючых міжнароднае права абмежавальных мер ЕС і распаўсюджанай у Бельгіі практыкі іх пашыральнага тлумачэння ў апошнія гады спыніліся пастаўкі ў Бельгію шэрагу запатрабаваных бельгійскай эканомікай беларускіх тавараў (прадукцыя дрэваапрацоўкі, металапрадукцыя, угнаенні, апрацаваныя алмазы і іншыя).

За апошнія гады ў Беларусі з-за санкцый таксама значна знізілася роля Бельгіі ў якасці пастаўшчыка інвестыцыйных тавараў, уключаючы хімічную прадукцыю, металапрадукцыю і розныя віды абсталявання. Вызваленыя бельгійскімі кампаніямі нішы актыўна асвойваюць пастаўшчыкі з іншых краін, а таксама беларускія прадпрыемствы.

На бягучым этапе эканамічнае супрацоўніцтва з Бельгіяй мае абмежаваны характар. Нараўне з прамымі санкцыйнымі абмежаваннямі гандлёваму ўзаемадзеянню перашкаджае таксама наяўнасць бар'ераў у лагістыцы паставак і разліках.

Па ініцыятыве бельгійскага боку цяпер супрацоўніцтва Беларускай гандлёва-прамысловай палаты з Федэрацыяй гандлёвых палат Бельгіі і рэгіянальнымі бельгійскімі гандлёва-прамысловымі палатамі пастаўлена на паўзу.