Аб ускладанні вянкоў у Бруселі з нагоды 78-й гадавіны Вялікай Перамогі
09.05.2023 г.9 мая 2023 г. на Брусельскіх могілках адбылася памятная цырымонія ў азнаменаванне 78-й гадавіны Перамогі ў Вялікай Айчыннай вайне.
Часовы павераны ў справах Рэспублікі Беларусь у Каралеўстве Бельгія Кацярына Шатохіна і супрацоўнікі Пасольства сумесна з дыпламатамі шэрагу краін СНД усклалі вянкі да мемарыяла савецкім грамадзянам, якія загінулі пры вызваленні Бельгіі, а таксама да помніка «Сцяна расстраляных» у гонар бельгійцаў, якія былі забітыя падчас Другой сусветнай вайны.